I PRUFESSORI

Per u cantu tradiziunale, l’amparera di a paghjella ò per l’amparera di u cantu di varietà francese, ci hè Jean Vincent Servetto, 28 anni, chì hà seguitatu un parcorsu di cantu cù Brigitte Olmeta, prufessore ricunnisciuta pè a tecnica vucale.

Per u cantu di pop è di varietà francese ò inglese, avete Clément, chè no prisentemu più in un mondu culturale isulanu ò d'altrò. Diplumatu di a scola di a MAI in Nancy è passatu pà l'emissione The Voice, Clément mischia, quist'annu, u so parcorsu prufessiunale ind'è a musica cù i corsi di cantu in Spartimusica.

Brigitte Olmeta insegna a tecnica vucale è u cantu liricu, hà seguitatu un parcorsu in un cunservatoriu Henry Tomasi in Bastia è hà dinù insignatu fora di l’isula. A so reputazione ferma assai famosa postu chì ancu i cantadori prufessiunali venenu amparà u cantu cun ella, per sempre megliurà a so tecnica è u so livellu.

Paulu Cesari, u fundatoriu di Spartimusica è musicante di talentu, insegna a ghitarra tradziunale, a ghitarra elettrica, a bassa è a cetera. A u livellu di i studii, hà fattu dui cunservatorii, quellu di Nizza è quellu di Bastia, è a scola di musica di l’I.M.F.P.

Florian Guidi si sparte i corsi di ghitarra cù Paulu, è s’occupa, anc’ellu di a ghitarra tradiziunale, a ghitarra elettrica è a bassa. Ellu dinù hà seguitatu u parcorsu musicale di a scola di l’I.M.F.P è hè diplumatu à u livellu naziunale.

I corsi di viulinu sò dati da un solu prufessore, Andria Aitelli, diplumatu da u cunservatoriu di Bastia Henry Tomasi. Insegna a musica tradiziunale è u classicu, è face dinù u svegliu musicale per i più chjuchi u sabbatu.

I corsi di piano sò assicurati da Marina Luciani, prufessore diplumata di u cunservatoriu di Marseglia è di a Yamaha Music Fondation. I so corsi sò aperti da i più chjuchi à i più grandi.

Miche Dominici hè un arstitu autore/cumpositore/interpretu chì hà surtitu u so primu album quist’annu. Ellu dinù face parte di i prufessori di Spartimusica chì anu amparatu a musica à la M.A.I di Nancy in un parcorsu specificu à a batteria.

Prufessore novu di a rientrata 2022, Hervé entra in a squadra di Spartimusica per i corsi di batteria. Musicante in parechji gruppi isulani, Hervé dà i so corsi tutt'i luni !

Per sorte di u latu di a musica tradiziunale, pudete trovu corsi di DJ, assicurati da “DJ Spliffinger”, chì hè statu un dj residente ind’è parechji lochi cunniusciuti cum’è u locu di u Owls in Bastia per esempiu. I corsi sò accessibili per i zitelli è permettenu di manighjà a musica senza tuccà un strumentu.

Un'altru prufessore novu per a quinta annata di Spartimusica ! Dop'à avè cantatu in parechji gruppi isulani cume i Spiceboys ò A Pasqualina, Jean-François entre in a squadra di Spartimusica per corsi di cantu.

Infine, surtimu di i corsi musicali, avete i corsi di teatru d’impruvisazione fatti da Babeth Dominici. Sò corsi riservati solu à i zitelli per u mumentu, è sò limitati à a ghjurnata di u sabbatu. In generale, una ò duie raprisentazione si facenu durante l’annu, ciò chì permette à i zitelli di ghjucà davant’à un publicu è i so parenti nant’à a scena di Spartimusica.